Bernas sedia bekerejasama mutarka penanggul monopoli ngemansutka berau menua

Paddy. — DayakDaily.com file pic. // Photo: Pixabay

KUALA LUMPUR, Jun 13: Padiberas Nasional Berhad (Bernas) sedia bekerejasama enggau perintah ngiga chara ke pengambis manah mutarka sektor pengeluar berau menua nyema perambu ngurangka monopoli Bernas dipejalaika.

Ketuai Pegawai Eksekutif Bernas Ismail Mohamed Yusof madah, taja pia iya bepenemu sistem diatu bisi nyapai juluk ti dikedeka laban kenyau ari Bernas ditumbuhka nadai isu pengulih diri kelimpah rega berau di menua tu antara ke pengambis baruh di rantau tu.

“Ba aku sistem tu bisi asil. Taja pia enti perintah deka mechahka monopoli, kami bekereja enggau sida lalu meda ke pemadu manah ungkup menua lalu ke pengambis beguna ungkup rayat,” ku iya lebuh dirandau pemberita di Menara Ilham, ditu kemari.

Ismail mega madahka tanggungpengawa Bernas dalam ekosistem ngeluarka berau menua agi relevan laban kenyau ari pengawa numbuhka serikat nya nadai kala puntan meri sukung ngagai orang bumai.

“Enti orang bumai ngasilka padi bepenyakit, kami agi meli ari sida ke nyadi sebagi ari tanggungpengawa rama kami ke patut diperundingka perintah,” ku iya.

Iya mega mejah sesetengah piak ti kelalu meri perati ngagai hak ngimport berau Bernas dataika puntan ngambi kira penanggul ke ditapi orang bumai antara iya isu simpan stok, agih subsidi enggau pelanja pengilang.

Isu Bernas pansut lebuh Menteri Betanam Betupi enggau Bumai, Salahuddin Ayub diripot madahka monopoli Bernas dalam pengeluar berau deka dikurangka lebuh beberapa piak mantaika langgur penemu ngambika monopoli serikat nya diketuka.

Ismail antara beberapa individu ti ndatai ngagai Menara Ilham kemari ti meri penerang sentang pemansang ke diatu hari ini bagi memberi taklimat organisasi sida ngagai Kaunsil Penyanding Penemu Perintah.

Sama bisi datai Sapit Chairman Serakup Nginang Ikan Tasik Malaysia Mohamed Razali Mohamed enggau Presiden Gempung Serakup Betupi Malaysia Datuk Jeffrey Ng Choon Ngee. — DayakDaily