M’sia kelalu mayuh ngimport produk pemakai ari menua luar

Anthony (kiri) memberikan sumbangan bantuan kepada warga emas di ketika merasmikan Majlis Penyerahan Skim Bantuan Penanaman Nanas di Kampung Stenggang.

BAU, Mac 14: Menua Malaysia kelalu mayuh ngimport produk pemakai ari menua luar nyentuk manggai RM4 bilion setaun ti ngujungka kitai pedis nyaga rega ke ditiki laban bepanggai ba rega mata duit ringgit.

Sapit Menteri Industri Betanam Betupi enggau Bumai, Datuk Anthony Nogeh Gumbek madahka diri berasai enda lantang ati laban enda mayuh rayat ti deka ngemansangka tanah sida enggau pengawa bwtanam betupi ti ulih ngemansutka pemakai ti chukup ke guna diri.

Iya minta peranak negeri tu anang nyalahka Menteri Datuk Seri Najib Tun Razak nyema rega barang pemakai di menua tu majak mar.

Iya bejaku munyi nya ba Pengerami Nyerahka Skim Bantu Nanam Nenas Lembaga Perindustrian Nanas Malaysia 2018 di Kampung Stenggang kemari, ke alai iya dekaka peranak menua tu nyengkaum di Bau ngemansangka tanah ti enda dikena endur nanam bemacham bansa utai tanam.

Iya mega minta peranak Bau enggau ba pengawa nanam nenas MD2 ti bisi peminta ke tinggi ari dalam enggau menua luar.
Naka ke diatu nenas nya ditanam di Padang Ban ba tanah ke mungkur pemesai 50 ekar. — DayakDaily