KUALA LUMPUR, Jun 6: Dua iku Kaban Parlimen ari Sabah enggau Sarawak deka dichiri nyadi menteri dalam Kabinet Pakatan Harapan (PH) ke dijangka deka dibantaika magang dalam beberapa hari agi.
Kabinet 28 iku, nitihka pemadah dijangka deka nambah 15 iku agi kaban, ari 13 iku nya udah rang mengangkat sumpah kena Mei 21.
Ku pemadah nya mega, rintai kaban kabinet udah bisi lalu dipelaba deka dibantai dalam minggu tu, nyengkaum nama dua ari Sarawak dan Sabah.
Berita selebubu di Sarawak madahka chairman PH ke mega Chairman DAP Sarawak, Chong Chieng Jen enggau Chairman PKR Sarawak, Baru Bian deka dichiri nyadi menteri dalam Kabinet betuaika Tun Dr Mahathir Mohamad.
Ripot ba siti surat berita sehari tu mega, madahka MP Saratok, Ali Biju ke mega ADUN Krian, dipelaba mega diperundingka.
Ali ngaku nama iya bisi dirintai kaunsil ketuai PKR Sarawak nyadi siku chalun nya.
Ku Ali, PKR Sarawak ngarapka diberi siti tauka dua pengku pengawa menteri dikena ngamatka manifesto PH. — DayakDaily
