Mordi nempa sejarah ba Parlimen Mas Gading

Mordi Bimol

KUCHING, Mei 9: Chalun Democratic Action Party (DAP) Mordi Bimol balat nengenyitka pengudah iya mujurka ngalahka chalun Barisan Nasional (BN) Dato Anthony Nogeh Gumbek.

Iya ngalahka Nogeh ke mega Sapit Menteri Bumai enggau Agro Betanam Betupi enggau majoriti 3,024 undi.

Bimol ke mega ketuai nembiak DAP, 33, teulihka 12,771 undi ngalahka Nogeh ti semina teulihka 9,747 undi.

Bisi 77.1 peratus penyampau pengundi nurun muai undi lalu 236 undi rusak.

Pemutus rasmi undi Mas Gading dibantaika pemesai pengawa bepilih Aneilia Siam urung pukul 9.40 malam ti tadi.


Mas Gading ke majoriti diuan bansa Bidayuh ngembuan 29, 617 iku pengundi ke alai ( 22,058) Bidayuh, (5,233) Cina, (1,489) Melayu, (688) Iban, (28) Orang Ulu enggah bansa bukai biai 12i iku.

Lebuh dikerandau pengarang beita, Mordi madahka diri tekenyit lalu enda jyangka dirk menang ba PRU14 tu. — DayakDaily