KUCHING, Mei 9: Chalun Parti Keadilan Rakyat (PKR), Ali Biju mujur ngalahka chalun Barisan Nasional (BN) Subeng Mula nengah majoriti 989 undi.
Ali ke mega ADUN Krian, tu kedua kali nguji minta pilih ba Parlimen Saratok ti ngujungka iya teulihka pemujur sekali tu.
Pemesai Pengawa Bepilih Mohd Ikmal Abdullah mantaika pemutus nya ba Dewan Komuniti Saratok urung pukul 9.15 malam tu tadi.
Ali bulih 11,848 undi ngalahka Subeng ke bulih 10,859 undi.
Ba Pengawa Bepilih Besai Ke 13 (PRU13) Ali semina bulih 9,519 undi lalu alah ba jari Mawan ti teulihka 11,600 undi. — DayakDaily
