BINTULU, Julai 1: Kepala Menteri Datuk Patinggi Abang Johari Tun Openg kemari madahka polisi pemansang ari baruh irung iya tetap deka beratka pemansang infrastruktur sereta munaska penyeranta di menua pesisir enggau kandang menua ulu di negeri tu.
Ku iya, nengah Gabungan Parti Sarawak (GPS), perambu pemansang jemah ila ti manah agi deka dipejalaika.
“Pemansang menua pesisir deka dipajakka Perintah Sarawak,” ku iya.
GPS, ku iya deka mantu Perintah Sarawak nempa pengidup jemah ila ke meruan agi ngagai 2.7 rayat di negeri tu.
Ambika chunto, pengawa negika hak Sarawak ari sukut minyak enggau gis, ku iya asil penatai oemisi ari pemansut nya deka dikena ngaga pemansang nyengkaum di menua pesisir ti pulaika pemaik peranak di menua nya.
Ku Abang Johari ke mega Presiden Parti Pesaka Bumiputera Bersatu (PBB), gaya pengidup jemah ila chujup manah ari baruh GPS ti deka dimantupka aspirasi enggau peneka rayat pupu bansa di Sarawak. — DayakDaily
