Menteri, Sapit Menteri kabinet deka ngangkat sumpah kena Julai 2

Signature. — DayakDaily.com file pic. // Photo: Pixabay

KUALA LUMPUR, Jun 26: Pengawa Ngangkat Sumpah Pangku Pengawa Menteri enggau Sapit Menteri deka diatur di Istana Negara kena Julai 2.

Datuk Pengelola Bijaya Diraja, Istana Negara Datuk Wan Ahmad Dahlan Abdul Aziz madah, Yang di-Pertuan Agong Sultan Muhammad V udah nerima rintai nama menteri enggau sapit menteri nya ari opis Menteri Beaai kena Jun 20 tu tadi.

“Rintai nama menteri Kabinet nya udah dipesetuju Yang di-Pertuan Agong sereta udah dipulaika baru ngagai Opis semula Kepala Menteri kena Jun 22 iya nya Hari Lima,” ku iya ba sebengkah penerang malam kemari.

Ku iya, penerang nya dikeluarkan ngambika nyadi referan ngagai ripot berita ti dipansutka Malay Mail Online sehari tu iya nya “Cabinet List Delay: Dr. M says ball in Agong’s court”.

“Istana Negara minta semua enda mansutka pekara ke negatif sereta enda betul sentang Yang di-Pertuan Agong,” ku Wan Ahmad Dahlan.


Sehari tu, Menteri Besai Tun Dr Mahathir Mohamad madahka laluh rintai menteri udah ditetapka lalu deka ngangkat sumpah ba awak ke semak.

Sebedau tu, 13 menteri Kabinet udah ngangkat sumpah. — DayakDaily