SIBU, Jun 25: Menteri Muda Pelajar enggau Pansik Teknologi Dr Annuar Rapa’ee, madahka beberapa sekula di Sarawak ke semak enggau grid elektrik, deka disambung bekal elektrik sechara berenggat.
Ku iya, sekula ke semina beberapa kilometer ari perengkaguna nya tau enda agi bepanggai ngulihka kuasa elekterik ari generator.
Bejaku pengudah ngulu ‘Majlis Ramah-Tamah Hari Raya Aidilfitri’ ke diatur Serakup Graduet Bumiputera Sibu (PGBS),
Annuar madahka isu nya udah dipadah ngagai Menteri Pelajar Dr Maszlee Malik, Hari Lima nyin tadi.
Kaban Kunsil Negeri (ADUN) Nangka nya, pengawa nyambung wayar baru bisi sambung elektrik ke lebih stabil ari grid dipejalaika.
Ngenang pasal bekal diesel ke putus ba beberapa sekula sebedau tu, Annuar madah isu nya udah diputarka atas penyiru Opis Menteri Pelajar. — DayakDaily
