Media chelak agi relevan di menua pesisir

Gerald Rentap Jabu

KUCHING, Feb 15: Pampang Nembiak Parti Pesaka Bumiputera Bersatu (PBB) nganggap media chelak kelebih agi surat kabar agi relevan diatu taja pan besemekih enggau bemacham portal berita enggau media sosial diatu.

Ketuai pampang nya, Gerald Rentap Jabu madahka media chelak agi nyadi chara ngenataika pemadah ngagai peranak menua pesisir bekaul enggau polisi perintah ti meri pemaik ngagai rayat.

“Peranak menua pesisir agi bepanggai ba surat kabar dikena ngulih berita ke pemadu baru,” ku iya.

Dulu ari nya, ia enggau Mandal Ketuai Nembiak PBB Leonard Jambu nemuai ngagai opis media beserimbai enggau Taun Baru Cina.

Ku Gerald, tuju penemuai nya ketegal gaga ati ke bantu raban media ti udah mayuh nyaup ngenataika berita ke pemaik rayat kelebih agi di menua pesisir. — DayakDaily