Raban bansa Cina pedagang lumur satu ngemansangka ekonomi Sarawak

Chief Minister Datuk Patinggi Abang Johari Tun Openg - file pic

KUCHING, Feb 15: Kepala Menteri Datuk Patinggi Abang Johari Tun Openg ngaku tanggungpengawa raban bansa Cina beguna amat ba pengawa ngemansangka ekonomi Sarawak.

Ku Abang Johari, komuniti dagang Cina semampai nyadi orang lumur satu ba pengawa dagang enggau industri Sarawak lalu iya pechaya sida deka majak nyukung negapka ekonomi menua.

“Perintah sedia mendingka utai ke deka diguna komuniti dagang ditu sereta deka bejalaika atur ngangkatka perengkaguna dikena ngemudahka sida bejalaika dagang di Sarawak,” ku iya.

Abang Johari mega madahka diri udah ngaga pemutus nguna chara ke bebida dikena nempa ekonomi negeri.

“Aku ngaga pemutus nguna chara ke bebida ukai ketegal aku deka nyadi nyelai tang deka bejalaika polisi dikena negapka ekonomi negeri laban aku pechaya kitai mesetingubah polisi ekonomi muju kuing ke tegap agi.

“Nya alai, Sarawak udah nyendiaka bemacham inisiatif ekonomi dikena negapka ekonomi negeri enggau tuju nempa ekonomi digital negeri dalam timpuh dua dekad ke deka datai,” ku iya. — DayakDaily