Manifesto BN PRU Ke14 ke pemadu manah ungkup rayat

Datuk Seri Najib Tun Razak

KUALA LUMPUR, Jan 4: Barisan Nasional (BN) deka ngaga manifesto Pengawa Bepilih Besai (PRU) ke-14 nyadi ke pemadu manah sereta ngemeratka rayat.

Menteri Besai ke mega Chairman BN Datuk Seri Najib Razak madahka iya enggau sapit iya, Datuk Seri Dr Ahmad Zahid Hamidi nyengkaum bala ketuai parti komponen ngembuan juluk deka ngaga ke pemadu manah ngagai rayat enggau menua.

“Nya deka nentuka pemeratka ba pengawa negika nasit raklyat ungkup lima taun ke deka datai,” ku iya lebuh bejaku ngelancharka portal therakyat.com ba Pusat Dagangan Dunia Putra (PWTC) ditu malam tadi.

“Mayuh kebuah aku enda madahka baka ni ku manifesto kitai, tang enti usah datai ba maya ke patut, manifesto kitai mih ti nyadi ke pemadu manah.

Portal theRakyat nyadi portal rasmi BN ungkup pengawa bepilih besai ke deka datai.


Ku Najib, BN ukai semina besemaya tang deka bejalaika manifesto baka ba PRU13 ke alai nyauka semua semaya nya udah dipejalaika ke pemaik rayat.

Ku iya, BN bisi ketuai ti meretika pengingin ati rayat lalu ukai baka ketuai penyakal ti semina deka malas dendam sereta negika pengingin diri.

“Kitai bisi agenda ke jauh manah agi ungkup rayat enggau menua, tang enda nemu sepiak nyin nama agenda sida. Kitai (BN) bisi pemereti ati ti tegap tang sepiak nyin (penyakal) ‘marriage of convenience’ lalu kitai konsisten, tang sepiak nyin ‘consistently inconsistent’,” katanya.

Ku Najib, pemereti ati ba parti komponen dipeda nyata lebuh MCA enggau Gerakan betemu kena Hari Enam tu bekaul enggau PRU14 ke lalu nyadi sejarah laban keterubah endar diatur. — DayakDaily