‘MA63 deka dipasuk dalam manifesto BN maya PRU14’

Datuk Seri Dr Ahmad Zahid Hamidi

KOTA BELUD, Mac 24: Sapit Menteri Besai Datuk Seri Ahmad Zahid Hamidi besemaya deka ngemasukka isu Sempekat Malaysia 1963 (MA63) dalam manifesto Barisan Nasional (BN) maya Pengawa Bepilih Besai Ke-14 (PRU14).

Ku Ahmad Zahid, Perintah BN netapka Sabah deka terus dikemansang.

Ahmad Zahid mega mantah ulah sekeda raban orang di Sabah ti enda lurus ati negika hak rayat Sabah nguna slogan “Sabah untuk Sabahan” ke nyadi modal politik.

Bejaku ba Pengerami Nasih Tanah Politeknik Kota Belud, di Kampung Kesapang, Kota Belud kemari, Ahmad Zahid ke mega Mandal Presiden Umno madahka Perintah BN udah ngemujurka 97.6 peratus manifesto ti disemaya maya PRU13 suba, nyengkaum di Sabah.

Ba iya pemujur nya mandangka Perintah BN perintah ke pemadu manah ungkup rayat.


Kampus Politeknik Kota Belud beungkis RM80 juta digaga ba tanah ke pemesai 12 hektar lalu dijangka tembu ba taun 2021. — DayakDaily