SEB deka ngaga pansik ngemansangka kuasa di Kalimantan Utara, Myanmar

Datu Sharbini Suhaili.

KUCHING, Mac 24: Sarawak Energy Bhd (SEB), ngembuan juluk deka ngemujurka Grid Kuasa Asean, deka ngaga pansik pengulih nyual kuasa ke Sabah, Brunei nyengkaum ngemansangka kuasa di Kalimantan Utara enggau Myanmar, kelimpah fokus ngagai eksport kuasa ke Kalimantan Barat ti udah dipejalaika kenyau ari taun 2016.

Ketuai Pemesai Eksekutif Kumpulan, Sharbini Suhaili, madahka dalam beberapa taun agi, SEB deka fokus ngagai eksport kuasa ke Kalimantan Barat, Sabah enggau Brunei sebedau ngepunka sebarang projek di Kalimantan Utara enggau Myanmar.

“SEB benung nambahka eksport elektrik ke Kalimantan Barat, Indonesia lalu dijangka deka nyual kuasa ke Brunei nggau Sabah ari baruh projek grid kuasa trans-Borneo,” ku iya dalam sebengkah penerang kemari.

Ku iya, SEB benung nyendiaka sempekat besilih kuasa enggau perjanjian Brunei nyengkaum Sabah ti nyadika singkang keterubah ngeksport kuasa.

Dalam ripot media, Brunei dipadahka udah setuju meli 100 megawatt (MW) kuasa ari SEB, nengah opsyen meli tambah sepenyampau 50MW.


Diatu, eksport SEB ke Kalimantan Barat sepenyampau 150MW ngagai 200MW.

Ku Sarbini, SEB ngembuan juluk semua bekaul enggau penyemela pemansang kuasa dikena ngerichahka memiliki gambaran yang menyeluruh mengenai transformasi sosio-ekonomi,pengelikun kuasa, pengenan enggau pengulih meri rega elektrik ke pemadu murah di rantau tu nengah pengawa ngemansangka hidro.

Sarawak deka ngasilka 7,115MW kuasa nyerumba taun 2025 nengah pemansang kuasa hidroelektrik ke nyadi pemansut besai kuasa ke negeri nya, seraya madahka diatu semina ngemansutka 5,449MW.

“Utiliti jemah ila deka didigitalka penuh, tu mungkur transformasi organisasi enggau dagang, ke mega deka muka peluang digital ti besai agi dalam tetiap rentayan rega,” ku iya.

SEB, ke mega sebuah kompeni pemansang utiliti enggau kuasa, diempu penuh perintah negeri Sarawak.

SEB ulih ngeluarka kuasa nengah hidro enggau terma (arang batu sereta gis) lalu meri servis ngagai 2.6 juta ikunke mungkur 650.000 penguna domestik, komersial, industri enggau eksport nemgah sebengkah rentayan ngagih sereta transmisi ke besai. SEB ngembuan pengereja pengawa dalam mayuh bengkah disiplin sepenyampau 5,000 iku.

Kompeni nya mega meri rega ke pemadu baruh di Malaysia sereta entara ke.pemadu murah di Asia Tenggara klaban pemansut kuasa nya datai ari hidro. — DayakDaily