KUCHING, Ogos 5: Lumba kayak, siti ari aktiviti dikena ngerami Festival Tagang Entarabansa Semadang 2018, ke deka diatur kena Sept 2 tu ke sepenyauh empat kilometer.
Penyelaras pekit, Wilson Mapus madahka lumba nya dibuka ngagai peranak Malaysia enggau peranak menua luar, ba semanjai Sungai Semadang di Kampung Semadang, Jalai Borneo Heights, ditu.
Ku Wilson, tetiap tim meseti bisi dua iku sekalika nya kedua-dua lelaki, kedua-dua indu tauka champur lelaki enggau indu, lalu semina kayak dua penuduk dikemendarka ba pekit nya.
Iya madah, yuran masuk RM30 ngagai tetiap tim lalu kayak enggau tim ke enggau bepekit diperansang mai kayak kediri tauka nyuwa ari pemekal ba palan pekit nya enggau rega RM50 siti kayak.
Semua pesereta dilalau mai jaket pengelikun serwta ngena nya maya ke bepekit ti deka berengkah pukul 11 pagi. — DayakDaily
