Lebih 40 buah sekula di Baram, Limbang bepetang ketegal abis minyak diesel

Diesel gauge. — DayakDaily. com file pic. // Photo: Pixabay

MIRI, Jun 16: Lebih 40 buah sekula primari enggau sekondari ditu enggau di Pelilih Limbang suntuk minyak diesel, lalu bisi sekeda nya ngelui 10 hari ketegal kontraktor ke dipilih mekalka minyak di Baram enda datai nganjung minyak kia.

Nitihka pemadah, SMK Tutoh Apoh enggau SMK Temenggong Datuk Lawai Jau, kededua sama di Baram, udah bepetang ngelui 10 hari lalu baka mega 28 buah sekula primari di Baram.

Sekula di Lawas ke nerima nasib ke sebaka iya nya SK Long Luping, SK Ba Kelalan enggau SK Long Tengoa, oengudah stok minyak sekula nya ambis minggu siti nyin tadi.

Tajapan bala nembiak benung kemisi tengah taun berengkah ari Jun 8-23, tang pengeraja pengawa ba sekula nya gawa baka selama lalu sida begunaka bekal elekterik enggau ai, ke alai kededua nya beguna minyak diesel dikena ngidupka injin api.

Sekula nya begunaka urung 5,000 liter minyak diesel sebulan. Taja pia, tetiap 20 buah sekula ke besai begunaka 15,000 liter sebulan ke dianjung dua kali sebulan.

SMK Temenggong Datuk Lawai Jau di Long San, ulu Baram bisi urung 800 iku nembiak lalu SMK Tutoh Apoh di Long Panai, tengah Baram. Kededua sekula nya sama dalam pelilih Telang Usan district.

Diberitaka ripot polis bekaul pekara nya udah digaga Opis Menteri Pelajar di Putrajaya ngambika pekara nya ditasat. — DayakDaily