BAU, Jan 25: Peranak Genturung Pendiau Serikin diatu ulih lantang nyintak seput lantang pengudah projek bekal ai beresi mujur dipejalaika dalam timpuh ke pandak.
Sapit Menteri Industri Betanam Betupi enggau Bumai, Datuk Anthony Nogeh Gumbek madahka projek ngaga tekat ai enggau masang paip ari Gunung Serikin ke sepenyauh empat kilometer ngagai rumah peranak genturung pendiau nya mujur dipejalaika nengah chara beripai.
Bejaku ba aum media.pengudah ngelancharka Sistem Bekal Ai iM Sarawak di Genturung Pendiau Serikin, Anthony ti mega Kaban Kaunsil Penyanding Penemu 1Malaysia Sarawak (1MSAC) madahka ai paip ke dianti – anti 800 iku peranak genturung pendiau nya pengelama 30 taun ke udah, diatu nyadi nyata.
Sistem bekal ai paip baru nya nguna polietilena (HDPE) ti tan ngelui lebih tiga puluh taun. — DayakDaily
