Larry Sng dipilih nyadi chairman Kaunsil Lada Malaysia ke baru

Larry Sng

KUCHING, Ogos 4: Kaban Parlimen Julau Larry Sng udah dipilih nyadi chairman baru Kaunsil Lada Malaysia (MPB), nyilih bekas Kaban Parlimen Saratok, Tan Sri William Mawan Ikom.

MPB, ba website rasmi udah ngemaruka penerang sida sereta ngengkah nama Sng ba atas rintai nama kaban kaunsil nya, nyadi chairman.

Direktor besai MPB, lebuh ke dikerandau madahka penerang rasmi sentang pekara nya deka dikeluarka enda lama agi.

Ba rintai nama nyadi kaban kaunsil MPB, mega bisi ngerintaika nama Bandar Kuching MP Dr Kelvin Yii enggau chairman DAP Katibas, Paren Nyawi.

Kelimpah ari nya, Sapit Sekretari Nengeri Datu Jaul Samion enggau pemesai Opis Pengawa Betanam Betupi Moden, Tanah Bansa Asal enggau Pemansang Kandang menua, Churchill Lawi mega dipilih nyafi kaban MPB.


MPB ditumbuhka dalam taun 2007 dikena nyilih Kaunsil Dagang Lada Malaysia. — DayakDaily