KUALA LUMPUR, Ogos 4: Meri pangku pengawa pengajar di sekula ngagai pengajar ke udah pinchin semina nutup peluang raban graduate ba bidang pelajar, pia ku Gerakan Graduan Pendidikan Universiti Awam (GGPUA).
Pengari GGPUA Mohd Azrinsyah Abdul Aziz ba penerang iya madah, meri peluang ngagai raban graduate dalam bidang pelajar, ulih mantu Opis Menter Pelajar mutarka penanggul raban ke graduate ba bidang nya ke chukup mayuh.
Chara nya mega ulih mantu nambahka pengelandik sida, sekumbang ke nganti maya diri dianjung gawa.
Raban pengajar ke graduate ti empai bisi kereja ulih mantu ba pengawa baka kerani, taja pan gred nya baruh tang ari nya meh sida ulih berengkah nyaup.
Sebedau tu di Dewan Rakyat, Menteri Pelajar Dr Maszlee Malik madahka opis menteri ngambi volunteer enggau pengajar ke udah pinchin ngisi pangku pengawa nyadi pemantu pengajar, lebuh nyaut tanya bekas menteri pelajar Datuk Seri Mahdzir Khalid bekaul isu ngelempungka tating pengawa pengajar ba luar jam ngajar enggau belajar. — DayakDaily
