LAKIS, LAKIK Kabong nerima RM2 juta ari KM

Chief Minister Datuk Patinggi Abang Johari Tun Openg

SARATOK, April 30: Lembaga Amanah Kebajikan Islam Saratok (LAKIS) enggau Lembaga Amanah Kebajikan Islam Kabong (LAKIK) sama nerima ungkup belanja RM2 juta ari Kepala Menteri Sarawak, Datuk Patinggi Abang Johari Tun Openg.

Chek nya disua beserimbai enggau ‘Seminar Pembangunan Ummah ti berambaika leka jaku ‘Kecemerlangan Ummah Tanggungjawab Bersama’ ba Masjid Besar Saratok ditu kemari.

Lebuh ke bejaku bejadi nya, Kepala Menteri minta peranak menua nya ngangkatka penduduk agar ‘syiar islam’ sereta negapka kaul enggau pangan diri dikena nentuka penyulut enggau penyerakup ke tegap.

Iya mega madahka perintah diatu benung merambu sereta ngaga pemansang di negeri tu dikena meri pengelantang ngagai rayat sereta ngangkatka tikas ekonomi sida.

Nya kebuah iya arapka rayat terus nyukung perintah dikena nentuka semua perambu ulih dipejalai enggau manah.


Sama bisi datai ADUN Kalaka, Datuk Haji Abdul Wahab Aziz, enggau ADUN Kabong Mohd Chee Kadir. — DayakDaily

Share this article!