Kompeni peribit melanja RM30 juta mantaika pekit main bol Mangkuk Dunya 2018

Football. — DayakDaily.com file pic. // Photo: Pixabay

GEORGE TOWN, Jun 4: Kompeni peribit udah setuju nyaup perintah besai mandangka pekit main bol Mangkuk Dunya, 2018 ke dipanchar terus nengah chanel RTM, ku Menteri Wang Lim Guan Eng.

Ku iya, perintah besai nadaika mansutka sesen dikena mantaika pekit main bol ke dipanchar terus nya.

“Sekeda kompeni peribit udah setuju ngeluarka belanja RM30 juta lalu ulih ngulihka duit nya pulai nengah iklan kompeni nya ti dipandang maya main Mangkuk Dunya nya dipanchar terus.

“Kelimpah ari nya tetiap iku irang ke meda ulih ngelimat urung RM100, laban enti kitai deka meda main tu, meseti mayar lebih RM100 lalu tu ulih nulung suda ngelimat nengah bayar nya,” ku iya madah ngagai pemberita di Kompleks Tun Abdul Razak (Komtar) ditu ensana.

Ku Lim, sida balat nerima bantah lebuh perjntah bisi ati deka mantaika sechara eksklusif Mangkuk Dunya 2018 nya ke beungkus RM30 juta nyerumba pengawa ngulihka duit nengah Tabung Harapan Malaysia. — DayakDaily