Gaji minimum baru sektor peribit deka dibantai bulan Ogos tu ila

Cash. — DayakDaily.com file pic.// Photo: Pixabay

PUTRAJAYA, Jun 4: Perintah deka mantaika penyampau baru gaji minimum baru sektor peribit ambis laun Ogos tu pengudah tembu proses nyerenih sereta bulih pemendar Kabinet.

Menteri Pengatur Pengereja Pengawa M. Kulasegaran madahka Majlis Perundingan Gaji Negara (MPGN) deka baum kena Jun 13 tu nyerenih asil Pansik Baru Perintah Gaji Minimum 2016.

Ku iya, Komiti Teknikal Perundangan Gaji Negara (JTPGN) udah nembuka pansik nya baka ti diungkup dalam Akta Majlis Perundingan Gaji Negara 2011 (Akta 732).

Ku iya, aum MPGN nya mega deka berundingka perambu gaji minimum enggau pekara bukai ke bekaul dikena ngamatka manifesto Pakatan Harapan.

“Pengudah aum nya, opis menteri deka nyediaka Memorandum Raban Menteri ungkup sesebengkah pemutus ke digaga perintah,” ku iya ba aum media pengudah gempuru ninting bulan Opis Menteri Pengatur Pengereja Pengawa, sehari tu tadi. — DayakDaily