Kimpin ‘Kelvin Wins Lanang’ mandangka pengeran SUPP ngambi pulai sitak nya ari DAP

SIBU, April 22: Parti Sa’ati Rakyat Sarawak (SUPP) Lanang keran deka ngambi pulai kerusi Lanang ke dimenang DAP ba pengawa bepilih besai (PRU) 2013.

Kimpin ‘Kelvin Wins Lanang Wins’ ke dilanchar di salah sebuah hotel ditu kemari nyadi singkang keterubah ke penepan nyapai juluk nya.

Barisan Nasional (BN) Negeri nagit menang ba 28 kerusi ba PRU14.

Chairman Parti SUPP Pampang Dudong, Wong Ching Yong madah, pengerami ngelancharka nya nyadi sebagi ari nyendiaka diri napi PRU14.

“Ya, kami udah sedia napi PRU14. Kami udah ngatur bemacham program begulai enggau rayat ba renggat ke baruh ba sitak Parlimen Lanang,” ku iya.

Iya bejaku munyi nya ba aum media pengudah ngelancharka Kimpin ‘Kelvin Wins Lanang Wins’ kemari.

Ba PRU-13 BN ti diarika Tiong Thai King alah ba jari Alice Lau Kiong Yieng enggau majoriti 8,630 undi. Tiong Thai bulih 17,983 undi dibanding Alice Lau, 26,613 undi.

Kerusi nya mega bela diining Parti Rakyat Bersatu (UPP).

Taja pai, penganalisis melabaka Lanang mar diambi pulai dibanding kerusi Parlimen Sibu. — DayakDaily