Pandikar patut nyanggup nyatup Lina

Parti Bansa Dayak Sarawak Baru logo

KUCHING, Dis 3: Speaker Dewan Rakyat Tan Sri Pandikar Amin Mulia patut nangkup kangau belaban penemu enggau presiden STAR Lina Soo sentang Sempekat Malaysia 1963 (MA63).

Parti Bansa Dayak Sarawak Baru(PBDSB) nengah surat penerang berita kemari madah Pandikar patut enda nangika Lina.

“Pandikar patut nangkup kangau Lina lalu ukai nempa propaganda ngagai Kepala Menteri.

“Enti iya keran deka nyatup kepala menteri, reti nya iya keran nyatup semua peranak Sarawak.

“Pandikar patut nemu iya sigi enda telabanka kepala menteri. Iya semina speaker Dewan Rakyat lalu jauh baruh ari penuduk kepala menteri,” ku PBDSB.


Nitihka penerang PBDSB, jaku Pandikar ti ngemaruhka MA63 udah ngujungka peranak Sabah malu ketegal Sabah pan sama bela dekaka hak sereta kuasa nengah MA63 diberi pulai.

“Pandikar baka ke ngelari diri ari nyatup presiden STAR. Iya patut enda mansutka penerang enggau sengapa enti enda nemu pekara MA63 enggau silik.,” ku PBDSB. — DayakDaily

Share this article!