SRI AMAN, Nov 1: Sapit Menteri Dalam Negeri, Datuk Masir Kujat madahka pemansang ulih diberi enti bisi kaul ke manah entara Komiti Pemansang enggau Pengelikun Genturung Pendiau (JKKK) enggau perintah.
Ku iya, enti nadai peneguh kaul kedua-dua piak nya, pengawa ngangkatka tikas pengidup rayat mar dipejalaika.
Masir mega madah, perintah semampai ngemeratka peranak di menua pesisir nengah pengawa bejalaika projek ngangkatka tikas sosioekonomi sida, ku iya lebuh bejaku ba Pengerami Ketuai Begulai enggau Rayat ke diatur ba Rumah Edwin Padang, Sungai Indai Atas ditu kemari.
Nengah awak nya, MP Sri Aman nya mega ngelalau JKKK ngemeratka pelajar anak sida.
Ba pengerami nya Masir bisi meri geran RM30,000 ngagai JKKK Rh Edwin lalu RM 2,000 ngagai Biro Indu. — DayakDaily
