MIRI, Nov 1: Seraban 335 pemesai perintah negeri enggau perintah besai di Bagi Menua Miri udah nerima Pingat Perkhidmatan Setia ditu kemari.
Nguluka rintai nama penerima iya nya Sekretari Mendam Ba Opis Menteri Industri enggau Orang Dagang, Datuk Liaw Soon Eng ke udah gawa pengelama 38 taun.
Ditangkanka Sekretari Majlis Daerah Marudi Petrick Linggie Taboh ke udah gawa pengelama 25 taun, Menijar Besai Lembaga Pelabuhan Miri Serawa Budol (25 taun), Pengarah MAMPU Sarawak Dr Dusit Jaul (38 taun) enggau Pengarah Opis Berikan Tadik Dalam Sarawak Belayong Nyutak (32 taun).
Ke bukai bisi 27 iku penerima ti udah gawa ngelui 35 taun lalu empat iku penerima ke udah gawa ba opis diri ngelui 40 taun.
Pingat nya udah disuaka Kepala Menteri Datuk Patinggi Abang Johari Tun Openg.
Tu pengerami kelima udah diatur semanjai taun tu.
Sama bisi ngulu pengerami nya kemari Sekretari Perintah Negeri, Tan Sri Datuk Amar Mohamad Morshidi Abdul Ghani. — DayakDaily
