Urung 7 juta iku deka nerima BR1M berengkah pagila

Cash. — DayakDaily.com file pic.// Photo: Pixabay

KUALA LUMPUR, Feb 25: Bantu Rayat 1Malaysia (BR1M) ke sepenyampau urung RM6.3 bilion ungkup tujuh juta penerima di serata menua deka diberi pagila.

Ketuai Sekretari Perbendaharaan Tan Sri Dr Mohd Irwan Serigar Abdullah madah, pengerami ngelanchar BR1M deka dipenyadi Menteri Besai Datuk Seri Najib Tun Razak ba Dewan Konvensyen Sultan Ahmad Shah, sehari tu.

Berebak enggau nya, penerima bukai udah tau meresa akaun sida kena Hari Satu tu.

Bejaku ngagai media pengudah ngulu pengerami bejadi BAHTERA Edisi Timur 2018 di Dewan Konvensyen Antarabangsa Sultan Ahmad Shah,Kuantan kemari, Mohd Irwan madahka pengawa meri BR1M deka diterus baka ke sebedau tu.

Orang ke patut nerima deka nerima bantu nya ba tiga renggat; ambika chunto penerima RM1,200, ti keterubah deka nerima RM400 dulu, lalu laluh nya deka dipasuk ngagai akaun sida ba renggat kedua enggau ketiga. — DayakDaily