KUALA LUMPUR, Jan 6: Opis Meteorologi Malaysia (MetMalaysia) ngeluarka jaku tangkan ke alai kabut deka nyadi ba kandang tasik Sarawak, Labuan enggau Sabah di pesisir, Sandakan enggau Tawau dijangka nyentuk pagi tu.
“Tu tau ngasuh angin deras nyentuk ke ini 50 kilometer sejam (kmsj) tasik begelumbang manggai peninggi 3.5 meter sereta tau ngenusah bot mit,” ku penerang nya sehari tu.
MetMalaysia mega melabaka kabut nyadi ba kandang Reef South, Labuan, Reef North, Sulu & Sulawesi dalam timpuh ke sama.
Berebak enggau nya, kabut, ujan bangat enggau angin deras dipelaba nyadi ba sekeda bagi menua di Sarawak nyentuk pukul 10 pagi tu.
Tu dipelaba nyadi ba Bagi Menua Kapit di Pelilih Song, Sibu di Pelilih Kanowit, Sarikei, Betong, Sri Aman, Samarahan, Serian enggau Kuching. — DayakDaily
