Kaban SUPP ditangkan chakah agi gawa nyerumba PRU14

Sign outside polling station. — DayakDaily.com file pic. // Photo: Pixabay

KUCHING, Dis 24: Presiden Parti Sa’ati Rakyat Sarawak (SUPP) Datuk Dr Sim Kui Hian, lebuh ke bejaku ba Gempuru Tiga Taun Sekali (TDC) ensana madahka Sarawak patut tegap sereta kering agi ngulihka hak negeri tu.

Parti ku iya, enda ibuhka nama aja penemu orang bukai sentang pekara nya.

Nya kebuah iya deka nentuka SUPP ke balat endar udah alah ba pengawa bepilih besai (PRU) ke sebedau tu, ulih ngerampas baru kerusi nya ba PRU tu ila.

Dr Sim minta kaban parti nya ke sepenyampau 112,678 iku chakah agi gawa dikena nentuka parti ulih menang.

BN Sarawak alah ba enam kerusi ke semua nya diarika SUPP maya PRU-13.

Enam kerusi nya Bandar Kuching, Stampin, Sarikei, Sibu, Lanang ti dikuasa DAP enggau Miri ti dikuasa Parti Keadilan Rakyat.

SUPP semina menang ba kerusi Serian nengah Ricrad Riot diatu ke nyadi Menteri Pengatur Pengereja Pengawa.

Ketegal nya nadai pengari bansa Cina ari Sarawak dalam kabinet perintah besai.

Dr Sim pechaya, nengah fokus ari sukut ati enggau runding, sereta mega penyerakup ke bisi dalam parti, juluk nya ulih dijapai. — DayakDaily