The English version of this article can be read here: https://dayakdaily.com/sdmc-approves-sop-for-non-muslim-houses-of-worship-to-reopen/
KUCHING, Jun 16: Sapit Kepala Menteri Datuk Amar Douglas Uggah madah Komiti Pengintu Penusah Ngenyit Negeri Sarawak (JPBNS) udah ngemendar Standard Atur Pengawa (SOP) muka palan besembiang agama bukai kelimpah Islam.
Nitihka penerang Uggah, pemutus bukai bisi mega digaga alai palan dagang 24 jam dikemendar dibuka mega.
“Kitai udah ngemendar SOP muka palan sembiang agama bukai kelimpah Islam, penerang ke silik sentang pekara tu deka dibantai Unit Pekara Agama-Agama Bukai (Unifor), ku Uggah ba aum pengarang berita bekaul Covid-19 di Begunan DUN Lama, Petra Jaya kemari.
Iya ke nyadi Chairman JPBNS mega madah palan dagang 24 jam di negeri tu udah dikemendar dibuka lalu nya mungkur kedai 7-11, kedai serbaneka, Kentucky Fried Chicken enggau McDonald sereta kedai makai 24 jam.
Tajapia ku Uggah, orang bempu kedai-kedai tu meseti nitihka SOP enggau penetap ke udah disedia.
Ngenang kaul ke sama, iya mega madah tadika di Sarawak deka berengkah dibuka ba pun bulan Julai tu.
Ku iya, SOP ke bekaul enggau atur muka tadika di negeri tu udah disadung Opis Menteri Pengintu Pengelantang, Orang Indu, Ruang Bilik enggau Pemansang Anak Mit ngagai ijinsi ke bekaul.
“Kitai udah mutuska diak tadika deka berengkah dibuka kena 1 Julai 2020 lalu penerang sentang pekara tu deka dibantai menteri ke bekaul,” ku Uggah. — DayakDaily
