MARANG, Julai 23: Opis Bomba enggau Penyelamat Malaysia (JBPM) di tetiap negeri dipinta chakah agi matau pengawa betunu ngambika ulih nyeliah kes kampung angus maya musim kemarau diatu.
Kepala Direktor, Mohammad Hamdan Wahid madah, kelebih agi negeri-negeri di Pantai Barat enggau Sarawak benung napi musim kemarau ke panjai enggau tikas pengagat hari ti tinggi nyentuk ke mai risiko nyadi penusah kampung angus baka di Sarawak empai lama udah.
“Nya kebuah kita ngembuan perambu khas ninting taun laban maya datai ba musim kemarau deka nyadi dua krisis iya nya ‘water crisis’ enggau siti agi pengawa betunu ti ngujungka nyadi sebun asap.
“Di Sarawak, mayuh kampung galausereta mega dandang hutan sawit ke engka bisi kaul enggau pengawa betunu lalu kami minta sida semampai bejejaga,” ku iya madah ngagai pemberita pengudah Majlis Tamat Latihan Kursus Sijil Sains Kebombaan Siri 1/2018 di Akademi Bomba dan Wilayah Malaysia Timur ditu tadi.
Bisi 201 pelatih nyengkaum siku pelatih indu orang asli nerima setipikit nya pengudah latihpengelama empat bulan setengah nya tembu. — DayakDaily
