MIRI, Ogos 25: Jematan Long Lama ke berengkah digaga ba taun 2016 dipelabaka tembu pun taun baru, tang Kaban Kunsil Negeri Telang Usan, Dennis Ngau, arap endar jematan nya ulih dibuka sereta ditengah mensia mayuh nyerumba Hari Krismas taun tu.
Ku iya, nitihka pelaba kontraktor kena bulan Julai tu tadi, projek nya udah tembu 77 peratus.
Dennis madahka jematan nya deka ngubah landskap kandang menua Long Lama enggau Baram enti projek ke berega RM70 juta nya tembu ila.
Ku iya baru, peranak menua dia diatu ke ngena feri ulih mindah jampat sereta mudah agi ila.
Jematan nya ku iya, deka ngemudahka peranak menua nya nganjung orang ti sakit ke Sepital Miri kelebih agi ke bekaul enggau kes ngenyit. — DayakDaily
