Jematan Batang Samarahan udah 93 peratus tembu — Fadillah

Datuk Seri Fadillah Yusof

KOTA SAMARAHAN, Mac 2: Jematan Batang Samarahan ti nyantilka Kota Samarahan enggau Sadong Jaya udah tembu urung 93 peratus.

Menteri Kereja Raya, Datuk Seri Fadillah Yusof madah, naka ke diatu pengawa ngaga nya mujur lalu struktur ke nyambung jematan nya deka dibuka minggu baru.

“Aku puas ati enggau pengawa ti digaga kontraktor kenyau ari belabuh ngaga jematan tu.

“Jematan tu disadang tembu endar Jun taun tu tang kontraktor melaba ulih nembuka nya bulan Mei tu ila,” ku iya lebuh dikerandau maya ngabas ngenyit ngagai taba projek ngaga Batang Samarahan didi sehari tu tadi.

Ku Fadillah, enti jematan nya tembu ila, jematan ulih ditengah peranak menua mulaika diri maya ngintu Hari Gawai enggau Hari Raya Aidilfitri. — DayakDaily