Isu SST ba ‘prepaid’ benung dalam perati KKMM

A woman uses an iPhone. — DayakDaily.com file pic. // Photo: Pixabay

KUALA LUMPUR, Sept 2: Opis Menteri Komunikasi enggau Multimedia udah nemu sentang sebana penguna bekaul enggau chaj Chukai Jual enggau Servis (SST) ba kad prepaid telefon binching, ku menteri opis nya Gobind Singh Deo.

“Ungkup isu SST ba ‘prepaid’ (prabayar), pekara tu benung dalam perati KKMM. Peneranh rasmi deka dikeluarka ba awak ke semak bekaul pekara nya,” ku Gobind nengah tulis iya ba Twitter rasmi iya, kemari.

Iya madab munyi nya nyaut sebana siku penguna Twitter ti besebanaka penanggul nya ba laman media rama nya.

SST ke berengkah dipejalaika kemari beratika sekeda penguna bisi mantaika diri enda puas ati labqn penyampau ke penudi kad tambah prabayar telefon binching ke dibeli sida udah diputung sekeda penyampau ketegal SST nya.

Serbis prabayar nya bisi dichaj enam peratus nitihka pinta SST. — DayakDaily