KOTA SAMARAHAN, Sept 30: Siku indu bangsa kita Iban ditu, Imelda Bragie Jimie, 30, ukai mina deka ngamujur ka diri empu dalam pengawa dagang tang iya ka ga ngarambai ka asil barang di jual iya ti di gaga ngena berau tulin.
Asil barang ti di gaga iya enggau berau tulin nya tau kena kitai mensia mauh nyuci kulit mua enggau tubuh kitai tau ka jadi pemakai urang biak enggau tuai.
“Aku ngena berau tulin laban iya nadai bisi pangawet tau ka pincelop di gaga ari asil barang kemia. Nyadi satagal nya aku arap amat ka asil barang aku tu tau di terima mensia mauh,” ko iya maya di temu randau enggau DayakDaily.
“Jolok ati aku tu sigi daka meda asil barang tu jauh pejalai alu tau di jual ka pelusuk dunia lebih agi maya ka tik udah ngenang apai indai bapeluh ba umai padi ka dikena aku ngaga berau tulin tu.”
Kategal asil barang nya digaga enggau berau tulin lalu Imelda pia ga ngamutus ka nama asil barang ia di jual enggau bajenama “Berau”.
“Aku ngena janama tok awak ka peringat kita bangsa asal usul berau lalu ngenang sida kaban balayan, apai indai kita ka ba umai,” ko iya.
Imelda madah kadiri empu belajar ngaga asil barang ari berau tulin ba Kommuniti Kolej di Petra Jaya lalu bisi udah empat taun basangkut paut nyual asil barang ia di Kuching ditu.
“Semua asil barang ti digaga aku aku ngena berau merah, celum,tau ka putih. Semua kediato nerau ka kena aku ditanam ba umai indai enggau apai aku di menoa asal kua ari menoa Sri Aman,” ko iya agi.
“Gaga amat aku meda diri empu ulih enggau bala raban bukai badagang lalu bulih untung nampung pengidup kami sabilik.”
Imelda madah kadiri empu bisi udah menang saguhati tau ka prais ari barapa buah karumpong ukai perintah di Malaysia.
“Katarubah iya aku bulih “pengiktirafan” tau kah diberi saguhati ka dua ari sida karumpong Tabung Ekonomi Gagasan Anak Sarawak (Tegas) ba program -”Pameran Jualan “Start Up Weekend” taun 2016 alu prais aku ianya di beri sida karumpong tu tapak pameran enggau pakakas pameran samoa “free”.
“Kali kedua aku menang saguhati tau kah prais ari sida Shell Malaysia,ia nya aku menang balaban eggau barang asil aku ba “Shell Live Wire Sarawak 2017” alu bulih duit saguhatu RM15,000.
“Udah nya aku berasai mat mujur ba pengawa aku enggau asil barang aku di iktiraf sida SME Corporation Malaysia cawangan Sarawak ba pogram Perniagaan Terbaik Tube Mega 5.0 Edisi Sarawak lalu bisi menang duit RM17,000.
“Dalam Bulan May 2018 tu tadi, ku nyadi wakil tunggal ngari ke Sarawak ba betanding “Yayasan Innovasi Malaysia” ba Kuala Lumpur. Aku siko ari lima mensia badagang masuk ka final lalu menang serta bulih tempat patama serta duit saguhati tau ka prais RM30,000.” ko Imelda.
“Tu meh ka parasang aku diato lalu gaga amat asai ati aku ulih manang enggau orang batanding ka asil barang ti di dagang ka aku lalu tau nyadi mensia ka baguna dalam dunia badagang.
“Sapa ka nemu diri empu abis sekula engka pom lima aja tau ga ngalangah ka kaki ka dunia badagang. Mauh agi palajai aku enggau pengawa badang tapi aku nguji enggau ni ka nangka ulih aku laban kita mensia sigi mauh panagul.”
“Aku ka maju ka diri laban ngenang apa indai diri ia ka ragas amat kerja ba umai. Amai pin seduai orang ka ba umai, tapi puji tuan,seduai enggau ulih utai ba tanah seduai ulih ga nyagula ka tiga menyadik biak ku ka sekula besar alu bulih tupi sigi empat.
“Ia temu aku diato ianya kitai enda tau putus asa ngaga pagawa ka jarang ulih di adu ka bangsa kitai Iban lebih agi ka bala kitai ka Indu.”
Dunia raban ka diato udah jauh lain ari apai indai kitai lalu pia mega enti kita enda mujur ka pagawa diri empu enggau lekun kitai sigi tinggal langkah alu ketdudi ari mai kitai ngasal.
“Enti ulih, aku ka deka nyadi siko indu badagang ti ulih ngamaie asil barang Sarawak jauh agi alu bisi tapak endor aku badagang ngaluar ka asil aku.”
“Kabuah aku badagang laban ba utang budi ka pamerinsa apai indai aku ka ba umai alu beridup ka kami menyadik.
“Manyadik aku ka biak tiga iko udah semu tembu sakula tinggi magang. Nyadi baka aku anak tuai berasai gaga ati laban pangawa enggau urang badagang udah bisi di peda mimit. Cukup besai riti nya ba pangidup aku”.
Imelda baterima kasih ka sida apai indai iya, manyadik iya serta laki ia empu ka merik paransang ka iya, awak ka tau maju.
Ka diato Imelda selalu nyual asil barang ia di pameran aja di seluruh Kuching tau ka Samarahan laban bedau bisi tapak atau tempat dagang diri empu.
Asil barang di nyual ngena berau tulin lalu bajenama Berau diato ianya berau, scrube berau,sabun berau, berau brew enggau bijirin berau serta raga asil barang iya diantara RM10-RM15.
Sekilo berau merah, puteh tau ka celum ianya RM15 tang enti setengah kilo RM10 serta asil bukai semoa RM10 aja.
Sapa sapa ka ngiga Imelda pasal asil barang ia tau talipon ka 010 966 6482. — DayakDaily
