GPS platform ke pemadu manah dikena ngenanka hak Sarawak

Datuk Patinggi Abang Johari Tun Openg

MIRI, Julai 8: Kepala Menteri madahka Gabungan Parti Sarawak (GPS) nyadi platform ke pemadu manah dikena ngetanka hak Sarawak baka udah bisi ari baruh Sempekat Malaysia 1963 dibanding enggsu Barisan Nasional (BN).

Ku Datuk Patinggi Abang Johari Tun Openg, pemutus empat parti komponen BN Sarawak pansur ari gempung nya sereta numbuhka GPS kena Mei 12 sigi ke pemaik rayat Sarawak.

“Sarawak enda ulih ngetanka hak ke majak lenyau enti agi ari baruh BN,” ku Abang Johari ke mega chairman GPS, kemari.

Iya bejaku munyi nya ba pengerami Ngelalu Pengabang Aidilfitri Kepala Menteri ke diatur begulai enggau Lembaga Amanah Kebajikan Melayu Miri sereta Gabungan Kesatuan Islam Miri di Stadium Tetutup Miri.

Ku iya baru, maya agi ari baruh BN, tetiap parti komponen meseti nitihka pemutus ke digaga keuai tetinggi parti nyengkaum maya ba Dewan Rakyat nitihka perintah ketuai.


Tambah mega ku iya, nitihka atur BN, parti komponen meseti nitihka pemutus perlu ke digaga ketuai tetinggi di Kuala Lumpur. — DayakDaily