Sarawak Pay diperambu deka dikena ba Bandaraya Miri

Datuk Patinggi Abang Johari Tun Openg

MIRI, Julai 8: Perintah negeri merambu ngena Sarawak Pay, sistem mudah alih/mobil nadai ngena mata duit, ba sektor perintah enggau peribit dikena ngangkatka sektor dagang temuai di bandar raya Miri.

Kepala Menteri Sarawak, Datuk Patinggi Abang Johari Tun Openg madah, diatu Sarawak Pay dalam proses ngerejister mayuh agi sektor peribit nyadi kaban kunsi Sarawak Pay.

“Ngena Sarawak Pay, sida tau mayar di restoran ngena telefon binching,” ku iya ba.pengerami makai lemai ngelaika penumbuh Bandaraya Miri ke diatur Majlis Bandaraya Miri (MCC) malam kemari.

Nyadika tambah ngagai Sarawak Pay, iya ngenataika langgur penemu ngagai MCC ngambi balai kaunsil nya ngembuan lumur telefon kediri ngambika setipak enggau pengerembai pemansang bandaraya Miri kealai perintah negeri setuju mantu MCC ari sukut belanja dikena ngaga perambu balai kaunsil nya.

Iya mega nandu penyanggup perintah negeri ke deka bekerejasama enggau perintah Pakatan Harapan (PH) ngambi pulaika pemaik rayat Sarawak nitihka konstitusyen Perintah Besai enggau Sempekat Malaysia 1963. — DayakDaily