Aum Penggal Keterubah Parlimen ke-14 berengkah sehari tu

The Jalur Gemilang. DayakDaily.com file pic. // Photo: Pixabay

KUALA LUMPUR, Julai 16: Aum Penggal Keterubah Parlimen ke-14 berengkah sehari tu pengudah Pengawa Bepilih Besai ke-14 (PRU14), ke alai Pakatan Harapan udah mujur numbuhka perintah baru.

Aum ke berengkab pukul 10 pagi dipunka enggau pengawa nyiri Yang Dipertua Dewan Rakyat.

Menteri Besai Tun Dr Mahathir Mohamad kemari nukuka ex-Akim Kort Apil Datuk Mohamad Ariff Md Yunos ke dipadu mangku pengawa nya.

Nangkanka nya, aum diteruska enggau pengawa ngangkat sumpah kaban Parlimen, betuaika Dr Mahathir.

Semua 221 Kaban Dewan Rakyat dijangka ngangkat sumpah, semina Presiden Parti Pribumi Bersatu Malaysia (PPBM) Tan Sri Muhyiddin Yassin ke mega Kaban Parlimen Pagoh, ke kemisi sakit pengudah bebuntas muai utai tumbuh pankreas baru-baru tu.

Aum udah nya ditangkanka enggau pengawa milih dua Sapit Yang Dipertua Dewan Rakyat ari kaban Parlimen ngambika bisi mantu Yang Dipertua Dewan Rakyat ngatur aum sereta nentuka aum nya lanchar.

Tu keterubah dalam sejarah menua meda kalih perintah ari Barisan Nasional (BN) lalu deka dipancharka terus semua stesen TV menua tu.

Aum Dewan Rakyat deka diatur pengelama 20 hari nyentuk Ogos 16.

Yang di-Pertuan Agong Sultan Muhammad V deka bejadi sereta Aum merasmikan serentak Dewan Rakyat enggau Dewan Negara Hari Dua tu.

Kepenudi endar Dewan Rakyat baum iya nya kena April 5 suba, sebedau direrak kena pada 7 April ngambika PRU14 diatur. ā€” DayakDaily