KUCHING, Feb 2: Penerang ari Parti Pesaka Bumiputera Bersatu (PBB) madahka semua pangku pengawa dalam parti nya nadai diperebutka ba Aum Besai PBB ke deka diatur kena 8 enggau 9 Februari tu.
Penemu bebatak asur deka dikemeratka.
Kaban Kunsil Negeri Layar, Gerald Rentap Jabu deka diangkat nyadi akan Ketuai Pampang Nembiak PBB ke baru sereta dibantu Sapit Ketuai Nembiak Fazzrudin Abdul Rahman (Bumiputera) enggau Miro Simuh (Pesaka).
Kaban Kunsil Negeri Sadong Jaya, Aidil Lariwoo deka ngisi slot Mandal Ketuai Nembiak ungkup kuota Bumiputera lalu Leonard Jambu enggau Richard Silo ungkup kuota Pesaka Iban enggau Orang Ulu.
“Bisi 13 iku Kaban Kaunsil Besai Nembiak ungkup kuota Bumiputera lalu 12 iti ungkup kuota Pesaka mega enda diperebutka.
“Tu deka negapka parti,” ku iya. — DayakDaily
