PUTRAJAYA, Nov 16: Jabatan Perkhidmatan Awam (JPA) bebulaka gaji pengereja pengawa perintah deka dibayar dua kali sebulan, bka ke diripot sebuah portal berita empai lama udah.
Ketuai Pengarah Servis Perintah, Tan Sri Zainal Rahim Seman, madahka gaji ke deka dibayar dua kali sebulan ti dpansutka portal nya deka dipejalaika di Brunei, ukai menua tu.
“Aku nadai kala ninga pasal gaji deka dibayar deka dua kali sebulan ini. Anang mendingka jaku selebubu.
“Naka ke diatu kitai agi mayar gaji sekali sebulan,” ku iya madah ba aum media pengudah bejadi pengerami nutup ‘Bulan Bahasa Kebangsaan Sektor Perkhidmatan Awam 2017’sehari tu tadi.
Dua hari ke udah, sebuah portal berita madahka bisi bulih penerang ke alai pengereja pengawa perintahmenua tu deka nerima gaji dua kali sebulan iya nya tengah enggau ujung bulan.
Portal nya mega madah, atur nya dipejalaika dikena mantu pengereja pengawa perintah ngatur belanja ninting hari lalu chara nya enda mungkur orang perintah ke udah pinchin. — DayakDaily
