Sebuah restoran di Miri ditemu KPDNKK agi minta GST ari mensia mayuh

An aerial view of Miri city.

MIRI, Jun 4: Opis Menteri Dagang Dalam Negeri, Koperasi enggau Pekara Bebeli Barang (KPDNKK) udah tetemuka sebuah premis dagang ditu ti agi minta Chukai Barang enggau Servis (GST) ari mensia mayuh taja pan perintah udah netapka penyampau kusunh GST berengkah ari Hari Lima nyin tadi.

Ketuai Pampang KPDNKK Miri, Joe Azmil madahka premis dagang nya sebuah restoran di beoperasi di Luak udah diberi jaku tangkan ngambika sistem sida ke bejual ngagai kusung GST.

“Pengempu premis nya diberi timpuh tiga hari nukar ngagai kusung GST, pengempu nya mega madahka timpuh ke diberi nya kelalu pandak,” ku iya sehari tu tadi.

Ku Joe, naka kemari 26 premis udah diperesa dikena nentuka nadai agi GST nya dititih ke alai sida semina tetemuka sebuah restoran nya enda nunda atur ke ditetap.

“KPDNKK udah mukai bilik operasi di serata negeri, di Kuching dibuka ninting hari berengkah ari pukul 8 pagi nyentuk 10 malam lalu bilik operasi ba pampang bukai dibuka ari pukul 8 pagi nyentuk 6 lemai. Penguna di Miri tau betelefon ngagai KPDNKK Miri nengah lumur 085-412863 ngambika ulih bejalaika tasat enggau lengkas,” ku iya. — DayakDaily