FMM ngansak perintah ngamatka semaya niki gaji minimum besaum enggau pengaji

File photo for illustration purposes

KUALA LUMPUR, Julai 15: Persekutuan Pengilang-Pengilang Malaysia (FMM) ngansak perintah ngamatka semaya pengawa bepilih besai ke deka bekunsi nikika gaji minimum begulai enggau pengaji.

Pakatan Harapan sebedau tu merambu siti sistem bayar begulai ke deka magi ungkus peniki gaji minimum entara perintah enggau pengaji sama rata.

Nya merambu penyampau gaji minimum ke diatu enda deka ditikika lengkas ngagai RM1,500 tang mungkur timpuh lima taun enggau peniki keterubah ba taun 2019.

“Taja pia, juluk nyemaka penyampau gaji minimum di Sabah enggau Sarawak sereta Semenanjung meseti dipansik baru berindik ari kedua-dua negeri nya enda ulih ngetanka penyampau gaji ti balat ditiki,” ku iya ba penerang kemari.

Berebak enggau nya, penyampau bayar rumah ninting bulan ti dikemendar ngagai pekereja ari menua luar meseti ditiki ari RM50 ngagai RM150, ku iya. — DayakDaily