KUCHING: Filem Jaku Iban ‘Peransang Rentap’ ke dilakun Diana Johor empu enggau sekeda pelakun ari Sarawak baka Vincent Mallang Alfred, Charlmay, Richard Mathias, Ethel Lampai Ringgit, Iwan Dasri, Bruce S. Walker, Lascelles Manjah, Ernie Dorris, Henry, Margaret, Ferrazzilah enggau ke bukai deka dipandang ba panggau kena 2 November tu.
Filem nya digaga siku direktor filem ari Semenanjung Malaysia, Lina Johot enggau Diana Johor ari Unique Twins Production.
Filem tu nyerita pasal pengerindu, sukung sereta dendam seiku nembiak Iban ke benama Jenang ke deka begulai enggau Rentap ngayau munsuh, tang enda diterima ngujungka iya betemu enggau siku indu besemak enggau menua sida.
Berengkah ari nya seduai udah nanggam pengerindu nyentuk ke nya udah ngubah nasit pengidup Jenang.
Diana madah, iya enggau raban udah merambu deka ngaga filem ti bepelasarka Sejarah Malaysia lalu ngaga pemutus ngaga filem ke diberi nama Peransang Rentap.
