KUCHING, Jun 27: Festival Jazz Waterfront deka diatur baru ungkup kedua kali dalam bulan September di Waterfront Kuching.
Diperambu diatur kena September 28-29, festival nya deka mantai nama tebilang baka Dayang Nurfaizah (Malaysia), Tompi (Indonesia), Aisyah Aziz (Singapura), Carmen Souza (Portugal) senggau pemain piano antarabansa, Jolynn Chin.
Menteri Dagang Temuai, Art, Main Asal Nembiak Negeri, Datuk Abdul Karim Rahman Hamzah madahka festival nya udah nyadi aktiviti ninting taun dalam kalendar dagqng temuai Sarawak tetiap September.
“Beratika sambut ke manah ari peranak ngelingi Kuching taun nyin tadi, kami udah setuju nambah manah festival ke mai sekeda artismenua tu enggau menua tasik.
“Kitai ulih ngemayuhka agi aktiviti sekumbang festival nya diatur,” ku iya iya ba aum media nya kemari.
Ku Abdul Karim, festival nya siti ari chara ngelaluka daya pengidup ke bisi di negeri Sarawak ngagai dunya.
“Nengah promosi ti udah dipejalaika, Kepala Menteri Sarawak, Datuk Patinggi Abang Johari Tun Openg eka meda Kuching sebuah nengeri ‘City with Soul’.”
Festival nya ila nagit penatai lebih 4,000 iku. — DayakDaily
