429,945 iku ke nginjau duit ari PTPTN dikeluarka ari rintai tagang pejalai

File photo for illustration purposes

KUALA LUMPUR, Jun 27: Bisi 429,945 iku nginjau duit ari Perbadanan Tabung Pendidikan Tinggi Nasional (PTPTN) dikeluarka ari rintai chelum tagang pejalai Opis Imigresen Malaysia kenyau ari Mei 24 tu tadi.

Chairman PTPTN Wan Saiful Wan Jan madah proses ‘pemutihan’ nama orang ke nginjau nya diputarka magang kena Jun 8 tu tadi, tumu ari ke ditimpuh iya nya Jun 15.

Taja pia, iya minta sida ke dikeluarka ari rintai chelum ngambika terus mayar utang pinjau pelajar sida.

“Atur nya dikena ngisi pinta manifesto 100 hari perintah Pakatan Harapan (PH) maya Pengawa Bepilih Besai Ke-14 (PRU14) iya nya madamka polisi (tagang pejalai nya),” ku iya ba aum media sehari tu tadi.

Berindik ari nya ku iya, kaunter PTPTN ba Padang Bilun Antarabansa Kuala Lumpur 2 (KLIA2) ditutup berengkah ari Julai 1 tu. — DayakDaily