Direktor Pengatur Pengawa, luyar ditan bekaul kes projek hibrid solar

Solar panels. — DayakDaily.com file pic. // Photo: Pixabay

PUTRAJAYA, Jun 27: Dua lelaki nyengkaum siku direktor pengatur pengawa sebuah kompeni ke bepangkalan di Bintulu diriman enam ari ngambika mantu nasat kes ngelimpang meri kontrak projek hibrid solar ungkup 369 sekula di menua pesisir di Sarawak.

Majistret Shah Wira Abdul Halim ngeluarka perintah ngetan riman ngagai direktor pengatur pengawa nya enggau luyar kompeni nya berengkah ari kemari ngagai Julai 2 ngambika Opis Nagang Pengawa Makai Suap Malaysia (SPRM) ulih ngaga tasat.

Direktor nya beumur 59 taun ditan pukul 5.30 lemai kemari lalu luyar ke beumur 30 taun ditan pukul 2.45 petang kemari lebuh ke datai merj penerang ba Indu Opis SPRM ditu.

Kes nya ditasat nitihka Seksyen 18 (a) Akta SPRM 2009 ketegal ngagsu pinta palesu.

Kedua-dua lelaki ke bebaju lokap SPRM nya datai ba laman kort pukul 9.30 pagi ke alai jari seduai sama digelang. — DayakDaily