Fatimah deka diangkat nyadi Ketuai Indu PBB

Dato Sri Fatimah Abdullah

KUCHING, Feb 2: Datuk Seri Fatimah Abdullah deka diangkat nyadi Ketua Pampang Indu Parti Pesaka Bumiputera Bersatu (PBB) ke baru ba minggu ke deka datai tu, pia ku penerang ari PBB kemari.

Iya enda disatup ngerebut penuduk nya atas penwmu bebatak asur, baka ti dipadahka Presiden PBB, Datuk Patinggi Abang Johari Tun Openg sebedau tu.

Iya deka nyilih Puan Sri Empiang Jabu ti udah madahka diri enda ngetanka penuduk ke udah disandang iya nya.

Dua penuduk Sapit Ketuai Indu deka disandang Menteri Pemansang Orang Indu, Ruang Bilik enggau Raban Bansa, Datuk Seri Rohani Abdul Karim ungkup kuota Bumiputera enggau Datin Angelina Celestine Ujang ungkup kuota Pesaka.

Mandal Ketui Pampang Indu disandang Menteri ba Opis Menteri Besai, Datuk Seri Nancy Shukri, Datin Catherine Gramong enggau Datuk Dayang Madinah Tun Openg.


Semua pangku pengawa Kaunsil Besai Indu mega nadai diperebutka.

“Pangku pengawa Sekretari enggau Tukang Wang bela dipesetuju ke alai sekeda nama ke bisi disebut iya nya Sekretari Politik Susan Chermai Anding enggau Menteri Muda Undang-undang, Kaul Pusat-Negeri enggau Mantau Projek, Sharifah Hasidah Sayeed Aman Ghazali deka.ngisi penuduk nya,” tambah iya.

Pengawa mantaika nama chalun dipelabaka pukul 2 ngalihari tu. — DayakDaily