KUALA LUMPUR, Julai 4: Empai bisi pemutus berkaul enggau projek besai Pan Borneo, sekalika deka diserenih baru tauka enda.
Pengudah beralih kuasa ari Barisan Nasional ngagai Pakatan Harapan, 10 Mei lalu, berindik ari BN alah ba pengawa bepilih ke-14, urung 6 juta rayat Sabah enggau Sarawak deka nemu gaya projek jalai besai nya.
Kemari, Menteri Kereja Raya ke baru dipadu ari Sarawak, Baru Bian madahka perintah patt nyerenih isu berkaul ungkus sereta bejalaika projek nya.
“Kami deka meda isu bekaul ungkus enggau ngaga projek nya,” ku iya ba aum media keterubah iya.
“Pan Borneo jalai besai keterubah di Malaysia Timur, lalu rayat Sabah enggau Sarawak gaga ati bisi jalai besai nya,” ku iya.
Diberitaka 36 peratus ari renggat keterubah projek nya udah digaga.
Renggat 1 mungkur entara Telok Melano di selatan Sarawak ke Miri di utara, ke disadang tembu ba taun 2021.
Pan Borneo udah dikemendar ba maya Menteri Besai Datuk Seri Najib Razak agi merintah, ke mega nyadi siti ari projek ke pemadu mar kala digaga di Sabah enggau Sarawak. — DayakDaily
