Eksport minyak, produk sawit Malaysia manggai RM78 bilion

Harvested oil palm fruits. - file pic

TELUK INTAN, Mac 3: Penatai pemisi ari eksport minyak sawit enggau produk bepelasarka sawit Malaysia manggai RM78 bilion taun siti nyin tadi, pia ku Menteri Industri Kebun Bedandang Besai enggau Komoditi, Datuk Seri Mah Siew Keong.

Ku iya, nya nambah 15 peratus dibanding RM67.5 bilion ba taun 2016.

Penambah nya ketegal Malaysia ngwrembaika makit minyak sawit menua kelimpah nyerungkaj makit baru di Iran enggau Arab Saudi.

“Tu mega ditambah enggau singkang perintah bejalaika pula Skim Eksport Minyak Sawit Mata (MSM) nadai duti eksport ungkup timpuh tiga bulan belabuh Januari tu tadi.

“Dalam timpuh nya, kompeni sawit patut nguna peluang ba pengawa bejalaika nadai duti eksport sereta ngaga mayuh agi aktiviti eksport lalu nambahka penyampau penatai pemisi eksport minyak enggau produk sawit,” ku iya.


Berebak enggau nya, iya pechaya pengawa Kesatuan Eropah (EU) ti deka nagang import minyak sawit ke Eropah nyerumba taun 2021 enda mujur dipejalaika.

“Lebuh aku nemuai ngagai enam menua Eropah empai lama, menua kaban EU nya udah meri komitmen ngagai Malaysia enda nyukung resolusi ti dikemendarka Parlimen Eropah ti deka nagang import minyak sawit ari menua luar ntama ngagai EU.

“Aku nerima respon ke manah amat ari menteri menua Eropah ri merj sukung penuh ngagai Malaysia lalu aku pechaya perambu nagang nya enda mujur, ” ku iya.

Mah udah nemuai pengelama lima hari ngagai ke Eropah Berandauka Pekara Sawit Malaysia-EU iya nya ke Perancis, Sepanyol, United Kingdom (UK), Itali, Belanda enggau Sweden dalam Februari tu tadi. — DayakDaily