KUCHING, Jun 25: PKR Sarawak ngambi pemutus ngendiauka diri berindik ari berita selebubu ti madahka dua iku MP Gabungan Parti Sarawak (GPS) deka dipadu menteri kabinet ba Perintah Besai.
Ketuai Pengerembai Kaul PKR Sarawak Vernon Kedit madah, laban nya semina berita selebubu aja, sida enggau ngenang pasal pekara nya.
“Kitai sama nganti lalu meda. Pengudah pekara nya dibantaika, baru kita meri penemu. Agi pan pengawa nyiri kaban kabinet hak menteri besai,” ku Vernon dalam aum media ditu, kemari.
Vernon melabaka menteri besai deka mantaika pekara nya sehari tu laban beberapa kaban PKR Sarawak udah di Kuala Lumpur kenyau ari ensana.
Ngelansa nya, Ketuai Pampang PKR Batang Lupar Abang Zulkifli Abang Engkeh madahka pengawa numbuhka parti baru Parti Sedar Rakyat Sarawak (SEDAR) nadai disukung raban bansa Melayu di Sarawak. — DayakDaily
