PUTRAJAYA, Julai 24: Opis Menteri Pelajar deka chakah agi nyadika bidang Pelajar enggau Latih Teknikal sereta Vokasional (TVET) nyadi pilih lumur satu alai nampung pelajar dalam timpuh lima taun ke deka datai.
Menteri nya Dr Maszlee Malik besemaya deka nyapai juluk nya dalam timpuh lima taun, sereta ngarapka nya mujur nengah kerejasama enggau orang ti ngaul diri ba industri sereta pakar TVET.
Ku iya, TVET adalah entara pekara ke beguna amat dikena nempa mensia mayuh ke ngembuan pengelandik sereta negapka potensi menua ngambika mansang jemah ila.
“TVET meri peluang ngagai tetiap serak mensia mayuh ba pemansang ke sebela, ngurangka penyeranta lalu nuju pengelantang ekonomi.
“Pengelandik ba TVET ukai agi dipeda nyadi sebengkah program ungkup kelas dua,” ku iya lebuh bejaku ba pengerami makai lemai ke diatur beserimbai enggau Forum Pakar TVET Asia (ATEF) 2018 ditu kemari. — DayakDaily
